Марк Маркез стигна до победа во спринт трката на Големата награда на Бразил, која се возеше во втората рунда од Мото ГП шампионатот.
Возачот на Дукати славеше во првата ваква трка на бразилската патека, откако до триумфот дојде со минимална предност од 0,213 секунди пред Фабио ди Џанантонио.
Клучниот момент се случи три круга пред крајот, кога Маркез успеа да го претекне својот ривал и да го преземе водството кое не го испушти до самата цел. За шпанскиот ас ова е прва победа уште од септември.
На третото место заврши Хорхе Мартин на Априлија, кој комплетираше уште еден силен настап.
Главната трка на програмата е в недела од 19:00 часот.