Мексиканската полиција за време на една рација откри магацин со стока, чија вредност беше проценета на 34 милиони евра, бидејќи беше полн со тркачки мотоцикли, сите на легендарниот Валентино Роси и на сè уште активниот шампион во Мото ГП, Марк Маркeз.
Операцијата беше спроведена во соработка со американското ФБИ, Кралската канадска коњичка полиција и Полициската управа на Лос Анџелес. Гореспоменатите земји се обидуваат да го пронајдат и уапсат некогашниот канадски олимпиец Вединг, а секој што ќе ја пријави неговата локација може да смета на парична награда од 12,7 милиони долари.
Откривањето на оваа колекција мотоцикли, собрани и складирани без соодветна грижа во гаража, ги изненади дури и експертите во овој сектор. Делумно поради бројот на мотоцикли, делумно поради нечија опсесија со едно нешто.