Две лица загинаа, а еден е тешко повреден во несреќа за време на рели трка во францускиот Пуи-де-Дом.
Француската полиција соопшти дека за време на релито во близина на Амберт во централна Франција, еден од автомобилите излетал од патот и удрил во група гледачи.
Две лица загинале, а еден гледач бил тешко повреден и бил префрлен со хеликоптер во локална болница.
„Несреќата се случила околу 10:30 часот наутро во Ле Крос во општината Сен-Жист. Автомобилот излетал од патот. Две лица загинале, едно е префрлено со хеликоптер во болницата Клермон-Феран. Другото лице, возачот на автомобилот, претрпел полесни повреди и бил однесен во болницата Амберт. Седум други лица претрпеле шок, но не се повредени“, соопштија организаторите.