За многумина најдобриот тенисер во историјата, Новак Ѓоковиќ 2024 година ја завршува на седмата позиција на АТП листата на најдобри играчи во светот, додека на врвот е Италијанецот Јаник Синер.
На АТП листата објавена денеска нема промени во редоследот на првите десет играчи, што значи дека на второто место е Германецот Александар Зверев, на третото е Шпанецот Карлос Алкараз, зад него е Тејлор Фриц од САД, додека Русинот Данил Медведев е на петтата позиција.
Пред Ѓоковиќ е Норвежанецот Каспер Руд, а зад Новак на осмото место се Русинот Андреј Рубљев, Австралиецот Алекс де Минор како деветти играч во светот, додека Бугаринот Григор Димитров е на десеттата позиција.
Што се однесува до македонските тенисери Србјак е на 1154 место, додека младиот Калин Ивановски, кој поради повреда го прескокна поголемиот дел од сезоната, имаше мал скок и сега е на 1314.