Арманд Дуплантис веќе подолго време нема конкуренција во скок со стап, но и покрај тоа наоѓа мотивација за да поместува граници каде и да се појави. Атлетската ѕвезда се „пошегува“ и на Светското првенство во Токио, откако за нов златен медал повторно сруши рекорд, и тоа по четиринаесетти пат. Сега е 6,30 метри.
Гркот Емануел Каралис беше единствениот што успеа да скокне шест метри, па освои сребро, додека Куртис Маршал од Австралија беше бронзен (5,95).
Дуплантис остана сам и ги натера сите гледачи на Олимпискиот стадион во Токио да седнат на своите столчиња. Скокна 6,10, потоа 6,15 и го остави Каралис да се обиде да го надмине на 6,20 метри.
Чудо не се случи, Гркот не успеа и го остави Дуплантис да го нападне новиот светски рекорд.