Евролигата е меѓу ретките натпреварувања активни и за време на празниците. Кошаркарот на Асвел, Тео Маледон, е прогласен за најкорисен играч (МВП) на Евролигата во декември.
Маледон во месецот кој изминува имаше просек во Евролигата од 21,2 поени, 5,3 асистенции, 4,3 скокови и индекс на корисност од 26,8.
Асвел во декември ја прекина победничката серија на Париз, го совлада Реал Мадрид и забележа два триумфи на гостински терен во „двојното коло“ против Партизан и Жалгирис.