Кошаркарскиот клуб Гостивар денеска информира за смртта на Ѓорѓи Божиноски – спортски директор, еден од основачите на клубот.
-Ѓорѓи беше човек кој остави длабока трага во спортот и во заедницата. Со својата посветеност, визија и огромна љубов кон клубот, тој беше еден од темелите врз кои се градеше нашата приказна. Неговиот труд, енергија и поддршка ќе останат засекогаш дел од историјата на клубот. Покрај спортот, Ѓорѓи беше почитуван и како долгогодишен директор во ЕСМ Гостивар, каде со својата работа и професионалност придонесе за развојот на институцијата и за доброто на градот. Ќе го паметиме како човек со големо срце, искрен пријател и вистински спортски работник, се простува клубот од Божиноски.
Од КК Гостивар изразија сочувство до семејството и сите кои го познаваа.