НБА конечно ги откри првите детали за долгоочекуваниот проект „НБА Европа“, кој треба да стартува во следните две години.
Новата лига ќе вклучува меѓу 12 и 16 клубови од најголемите европски градови, а целта е проширување на брендот на НБА и зајакнување на врските со европската публика.
Според информациите, меѓу градовите кои ќе имаат свои претставници се Лондон, Париз, Мадрид, Барселона, Милано, Берлин, Атина и Истанбул. Секоја од овие екипи ќе има лиценца со долгорочен мандат, а дел од местата ќе бидат отворени за квалификации преку националните лиги.
Во рамки на подготовките за проектот, НБА веќе најави неколку сезонски натпревари во Европа – Мемфис и Орландо ќе играат во Берлин и Лондон во јануари 2026 година.
Очекувањата се дека „НБА Европа“ ќе стартува кон крајот на 2026 или почетокот на 2027 година и дека ќе претставува нова ера во развојот на европската кошарка.