Олимписките игри во Париз ќе се одржуваат од 27 јули до 11 август следната година.
Кошаркарскиот олимписки турнир на кој ќе учествуваат 12 селекции ќе привлече големо внимание, а веќе осум репрезентации обезбедија место.
Покрај домаќинот Франција, во Париз сигурно ќе ги гледаме Србија, Австралија, Јужен Судан, Јапонија, САД, Канада и Германија.
Останатите четири учесници на Олимписките игри ќе се решаваат на квалификациски турнири, чии победници ќе добијат виза за Париз.
Квалификациските турнири ќе се играат од 2 до 7 јули 2024 година, а домаќини, според најавите, ќе бидат Грција, Шпанија, Летонија и Порторико.
В понеделник, 27 ноември, ФИБА официјално ќе објави кои четири града ќе бидат домаќини на квалификациските турнири.