Македонскиот младински кошаркарски репрезентативец Павел Иванов во новата сезона ќе се натпреварува во колеџ лигите на САД откако официјално стана нов член на колеџот Бартон од Вилсон, Северна Каролина.
Иванов изминатата сезона ја помина во редовите на прволигашот Кожув, а претходно беше дел и од Вардар со кој настапуваше во второлигашката конкуренција и младинските првенства обезбедувајќи пласман со „црвено-црните“ во Прва лига, а во 2023 година беше прогласен и за најкорисен играч на Ф4 во јуниорска конкуренција.