Познатата американска кошаркарка Кара Брекстон загина во страшна сообраќајна несреќа во Атланта. Кара Брекстон имаше само 43 години, а засега нема информации дали имало други смртни случаи или повреди во судирот во кој учествувала, ниту дали во тој момент го управувала возилото.
Таа е двократна шампионка на WNBA лигата која се прослави играјќи за Детроит, со кого освои прстен во 2006 и 2008 година, додека еднаш се појави и во Ол-стар натпреварот.
„Со голема тага жалиме за смртта на двократната шампионка на WNBA, Кара Брекстон. Нашите мисли се со нејзиното семејство, пријателите и поранешните соиграчки во овој момент“, се вели во соопштението на лигата откако дозна за трагичната несреќа.
За време на нејзината кариера, таа играше и за Талса, Финикс и Њујорк, а нејзината кариера заврши во 2014 година, додека ја видовме и надвор од WNBA – во Полска, Турција, Кина и Русија.