Оклахома Сити Тандерс важи за најсилниот тим во НБА-лигата сезонава, меѓутоа тимот не покажа ништо во дуелот со ЛА Лејкерс, во кој „езерџиите“ запишаа убедлива победа со резултат 126-99.
Дончиќ и дружината демонстрираа сила против тимот предводен од Шеј Гилгеш-Александер, кој е прв фаворит да ја освои МВП-наградата по крајот на регуларниот дел од сезоната.
Лука Дончиќ беше играч на мечот со 30 поени, седум скока и шест асистенции, пред Ривс со 20 поени, додека Џејмс заврши со 19 поени и седум асистенции. Кај Оклахома, Шеј Гилгеш-Александер даде 26 поени со уште девет асистенции.