Кошаркарската репрезентација на Македонија до 18 години одигра тежок натпревар против Ирска и успеа да слави по продолженија (62-62 регуларен дел, 73-63) над ривалот на стартот на Европското првенство (ЕП) Б-дивизија кое се игра во Скопје.
Најдобар поентер кај Македонија беше капитенот Јанчиќ со 27 поени, додека Марко Луканоски, Лука Марјановиќ и Бојан Димитриев имаа по девет поени. Кај Ирците, Нџекве имаше 15, а Игбокве 12 поени.
Нашиот национален тим следниот натпревар на ЕП Б-дивизија во Скопје го игра утре (сабота) кога од 18:30 часот се среќава со Босна и Херцеговина која го отвори настанот со убедлива победа над Кипар.