Партизан пред три години се врати во кошаркарската елитна Евролига и на секој меч на кој игра на домашен терен, речиси секогаш трибините се целосно исполнети. Оваа лојалност на фановите на Партизан донесе до тоа Црно-белите да бидат при врвот на најгледани кошаркарски екипи од целиот свет.
Во извештајот на „Еурохупс“ каде се вклучени и екипите од НБА лигата, во Топ 10 најгледани екипи на домашен терен се и двата српски гиганти Партизан и Црвена ѕвезда. Партизан е на четвртото место, а Црвено-белите се на деветото место на најгледани клубови во светот.
Листата на најгледани клубови на домашен терен ја предводи Далас маверикс со просек од 20.100 гледачи. Потоа следуваат Филаделфија (19.842 гледачи во просек) и Њујорк никс (19.8111), а потоа следува Партизан со просек од 19.782 гледачи по меч.
Денвер нагетс е на петото место на оваа листа со 19.746 гледачи, а потоа следуваат Чикаго булс со 19.745 гледачи, Мајами хит со 19.637 гледачи и Кливленд кавелирс со 19.432 гледачи на осмото место на оваа листа. Српскиот првак Црвена ѕвезда е на деветото место со 19.200 гледачи, а Топ 10 листата ја заокружува тимот на Бостон селтикс со 19.156 гледачи.