Ивана Кметовска е најкорисната кошаркарка на финалниот турнир од Купот на Македонија во женска конкуренција кој се одигра во Македонска Каменица.
Актуелната македонска репрезентативка одигра два одлични натпревари, и апсолутно заслужено ја доби главната индивидуална награда на турнирот.
Во финалниот меч, кој го заврши порано заради пет лични грешки, реализираше 24.поени со висок процент на реализација во обидите за два поени (10/13 односно 76% на реализација, и 4/7 за еден поен.
На тоа додаде и девет скока, по една блокада и освоена топка и пет загубени за 33:52 минути во игра.