Американците градат моќен тим за Олимпијадата во Париз. Во тимот ќе биде и Кевин Дурент, кој најави потенцијална прошетка на неговиот тим до златото.
На последните четири олимписки турнири, САД го освоија златниот медал и доживеаја само еден пораз. Ѕвездата на Феникс, која однесе три од тие четири злата и беше МВП на последните Игри, најави дека Американците сакаат да испратат силна порака до сите кој е број 1.
– Сите најдобри играчи ќе бидат таму и возбуден сум поради тоа. Го сакам тоа четврто злато, мислам дека ќе бидам единствениот со толку многу. Сакам да испратиме силна порака за сите да видат колку сме силни. Да ги победуваме сите со 40, 50 поени разлика. Тоа го сакам, изјави Дурент.