Неколку клубови сериозно размислуваат да вложат значителни финансиски средства со цел да станат сопственици на „А“ лиценца во Евролигата, пишуваат шпанските медиуми.
Во моментов, овој статус го поседуваат дванаесет клубови – Барселона, Басконија, Реал Мадрид, Олимпијакос, Панатинаикос, Макаби, Ефес, Фенербахче, Милано, Жалгирис, Баерн и Асвел.
Валенсија е првиот клуб кој јавно покажува амбиција да го промени својот статус и да стане постојан член на Евролигата со „А“ лиценца. Според информациите на шпанскиот весник „Марка“, шпанскиот клуб не е единствениот што има такви планови. Интерес за ваков статус покажуваат уште неколку клубови подготвени да инвестираат значителни средства. Меѓу нив се израелскиот Хапоел Тел Авив, екипата на Дубаи, како и грчкиот ПАОК, за кој веќе се шпекулираше дека има сериозни амбиции за влез во кругот на сопственици на Евролигата.