Селекторот на женската кошаркарска репрезентација, Александар Ашаданов, го изрази своето задоволство од победата над Данска на почетокот од квалификациите за ЕП.
Нашите девојки беа поуспешни од ривалките и славеа со конечни 79-78, нешто што предизвика голема радост кај кормиларот на нашиот национален тим.
„Најпрво, честитки за прикажаното денес до целиот мој тим. Нешто што е најдобро и најубаво за мене е што овие девојки ќе бидат идоли на помладите девојчиња кои тренираат и треба да бидат идни репрезентативки, затоа што покажаа како се бори и како се гине за дресот со државниот грб на терен.
За следниот меч, Грција фаворит број еден во групата и игра во низа на големите собири.
Сакам да добиеме поддршка од публиката, а овие девојки сигурно ќе бидат мотивирани и ќе дадат се од себе и на тој дуел“
Натпреварот против Грција ќе се одигра на петнаесетти ноември во 18:00 часот. И покрај фаворитската улога на противникот.