Жозе Мурињо размислува дали да ја прифати понудата на саудискиот клуб Ал Кадисија и да седне на клупата на тимот кој сега е второлигаш.
Португалецот е без работа од јануари кога се раздели со италијанскиот клуб Рома, но беше промовиран од страна на Арамко, нафтена компанија од Саудиска Арабија, како нивно заштитно лице.
Мурињо направи неколку неодамнешни патувања во Саудиска Арабија, а за време на престојот таму добил сериозна понуда да го преземе клубот кој не е во Саудиската Про лига, но ќе биде следната сезона откако ја освои титулата во првата дивизија на Саудиска Арабија оваа сезона.
Се претпоставува дека „Специјалниот“ имал средба со некои од највлијателните фигури на Арамко, вклучително и извршниот директор Амин Насер, кој е лидер на проектот Ал Кадисија.