Напаѓачот на Астон Вила Оле Воткин со гол во 91. минута ѝдонесе на Англија втор пласман едноподруго во финалињата на континенталните турнири, а пред медиумите изрази огромно задоволство и рече дека имал позитивно претчувство пред да влезе во игра.
„Никогаш не мислев дека ќе играм за Англија на Европско првенство и дека ќе одлучам вака важен натпревар. Затоа сега сакам да уживам во овој момент. Кога ја добив топката, знаев дека мора да бидам малку себичен. Такви се напаѓачите и секогаш мислат на постигнување гол. Имав претчуство дека денес ќе направам нешто големо.
Му реков на Дин Хендерсон дека ова е мојот момент. Шпанија е голема селекција. Многу квалитет на едно место, но в недела ни следи најважниот натпревар на нашите животи. Вечерва ќе уживаме, а од утре ќе мислиме на финалето“.