Јирген Клоп нема да го води Ливерпул од следната сезона. Тоа го потврди германскиот тренер, кој на своите навивачи им испрати порака дека по крајот на сезоната заминува од Енфилд.
Веќе тргнаа шпекулациите за негова замена на кормилото на „црвените“, а во моментов идеален избор е Чаби Алонсо. Алонсо во минатото беше дел од Луверпул како играч, а прави неверојатни работи на клупата на Баер Леверкузен, каде со неговиот тим е на чекор до титула во Бундеслигата, но она што е импресивно е што нема ниту еден пораз од почетокот на сезоната во ниту едно натпреварување.
Алонсо беше дел од Ливерпул пет години – од 2004 до 2009 година. Тој има договор со Леверкузен до 2026 година, но може да дојде до предвремен раскин.
Една од варијантите е доколку откаже Алонсо, е Жозе Мурињо, кој во моментов е без ангажман по отказот од Рома.