Лондонски Тотенхем продолжи да тоне во резултатска криза, откако денеска на домашен терен претрпе тежок пораз од 0-3 од Нотингем форест, а мечот беше само вовед во уште полоши вести за тренерот Игор Тудор.
По натпреварот Тудор не се појави на вообичаената прес-конференција, каде што наместо него пред медиумите излезе неговиот асистент Бруно Салтор. Според информациите од англиските медиуми, причината за отсуството е семејна трагедија и смрт на близок член од неговото најтесно семејство.
Се наведува дека Тудор веднаш по натпреварот отпатувал за Хрватска, а засега нема дополнителни детали за што точно станува збор. Во исто време, на Островот се шпекулира дека неговата позиција на клупата на Tотенхем е сериозно разнишана и дека би можел наскоро да добие отказ.