Поранешниот главен тренер на Борусија Дортмунд, Лусиен Фавр, објави дека се пензионира.
Последната работа на швајцарскиот тренер беше во Ница, каде што го водеше тимот во текот на сезоната 2022/23.
– Сега имам 68 години, а времето лета толку брзо. Речиси ги заборавив моите години бидејќи секогаш бев зафатен, секогаш во движење. Со текот на времето, забележав дека тренери стануваат сè помлади и помлади, па на 58 години, речиси се сметате за стар, објави Фавр на социјалните мрежи.
Под водство на Фавр, Борусија Дортмунд го освои Суперкупот на Германија во 2019 година. Со Цирих, тренерот освои две шампионски титули во Швајцарија (2006, 2007) и Купот на Швајцарија (2005). Тој го предводеше Сервет и до Купот на Швајцарија во 2001 година. (МИА)
