Фудбалерот на шпанска Џирона, Бојан Миовски е автор на вториот најубав гол во почетната рунда од европските квалификации за пласман на Светското првенство кое во 2026 година ќе се одржи во САД, Канада и Мексико.
Македонскиот репрезентативец на соочувањето со Лихтенштајн во Вадуц прво запиша асистенција за да во вториот дел по фантастичното додавање на дефанзивецот Илиевски атрактивно во лет ја смести топката во мрежата на домаќините за конечни 3-0.
Овој погодок се најде на втората позиција зад оној на Армин Гиговиќ кој донесе победа за Босна и Херцеговина во пресметката со Романија.