Чешкиот фудбал се најде во центарот на огромен скандал, откако властите покренаа широка полициска операција насочена кон корупција, измама и сомнително обложување поврзано со натпревари.
Според обвинителот Радим Драхун од Високото јавно обвинителство во Оломоуц, десетици лица се приведени во акција која се спроведува на повеќе локации низ земјата, но и во странство. Полицијата извршила претреси на домови и други објекти, а случајот го водат специјализирани единици за борба против организиран криминал.
Истрагата, според локалните медиуми, траела дури три години и е насочена главно кон регионот Моравија, опфаќајќи натпревари од највисоката лига, но и од пониските рангови и младинските категории. Меѓу осомничените се и познати имиња, градоначалникот на Каравина Јан Волф, како и фудбалерот Самуел Сигут.
Во случајот се вмешани и судии, а според информациите, во акцијата се вклучени и Европол и Интерпол, што дополнително ја потврдува сериозноста на истрагата.
Фудбалската асоцијација на Чешка, веднаш реагираше и свика итен состанок. Претседателот Давид Трунда откри дека дури 47 дисциплински постапки се веќе отворени против играчи, судии, функционери и клубови