Фудбалерите на Фенербахче ремизираа на гости кај Гезтепе во рамките од второто коло во турското првенство.
На полувремето избраниците на Жозе Мурињо имаа предност од 0-2, но на крајот средбата заврши без победник.
Натпреварот се најде во центарот на вниманието и поради нападот врз претседателот на Фенербахче Али Коч.
Првиот човек на турскиот гигант беше физички нападнат на теренот, додека навивачите од трибините фрлаа и разни предмети. Газдата на Фенербахче сепак бил нападнат од човек кој на себе имал акредитација.
Напаѓачот брзо бил идентификуван и приведен, додека на Коч му се пружила лекарска помош.
