Иако подолго време се пишува за тоа дека Столе Димитриевски ќе ја промени средината и ќе го напушти Рајо Ваљекано во насока на друг клуб, веројатно сега сите дилеми се решени. Тој ќе ја продолжи кариерата во Валенсија, а оваа информација ја пренесе експертот за трансфери Фабрицио Романо.
Италијанскиот новинар објави дека Македонецот ќе потпише договор со Валенсија до 2028 година. Тој додава дека Столе ќе го заземе местото на Мармадашвили кој кариерата ќе ја продолжи во Њукасл или Атлетико Мадрид.