Македонскиот фудбалски репрезентативец, Бојан Миовски го одигра последниот натпревар за Абердин.
Навивачите на Абердин пееја песни во негова чест, а Миовски со солзи го напушти теренот. Миовски влезе од клупата во судиското надополнување на мечот со Сент Мирен, по што емотивно се прости од навивачите.
Претходните денови гласни станаа највите дека тој ќе се пресели во Џирона за нешто повеќе од 5.000.000 евра. Миовски си го исполни сонот, да игра во една од топ европските лиги и да настапи во Лигата на шампионите.
Во претходните две сезони Миовски постигна по 16 гола во шкотскиот шампионат, ќе видиме како ќе се снајде 25-годишниот во редовите на дебитантот во Лигата на шампионите.