Тренерот на Шкендија, Јетон Беќири, беше видливо задоволен по историската победа на својот тим над романскиот ФЦСБ во Букурешт, во натпревар што привлече големо внимание на европската сцена.
„Ова е навистина голема победа за нас. Да се совлада екипа со ваков квалитет, пред ваква публика и во ваква атмосфера, не е мала работа. Сакам да им честитам на сите играчи, на клубот, на навивачите, на секој кој е дел од Шкендија“, изјави Беќири веднаш по натпреварот.
И покрај провокациите од домашната страна пред и за време на натпреварот, стратегот на тетовскиот клуб покажа спортски респект кон противникот.
„Импресиите се силни. И покрај сите провокации, имам голем респект за ФЦСБ. Станува збор за клуб со традиција, имаат сопственик кој вложува сериозно во фудбалот и тренер кој знае што прави.“, потенцираше Беќири.