Пет месеци откако беше објавено дека Еду Гашпар си замина од функцијата спортски директор на Арсенал, лондонскиот клуб конечно ангажираше перманентно решение за оваа одговорна функција.
За нов спортски директор на „топчиите“ денеска и официјално беше именуван Андреа Берта, Италијанец кој најдобриот период како спортски директор го мина во шпанскиот Атлетико Мадрид.
Тој му беше клучен соработник на Диего Симеоне при освојувањето на две титули во Ла Лига, како двете финалиња во ЛШ што овој тим за жал ги загуби од градскиот ривал Реал Мадрид.
„Пресреќен сум што доаѓам во Арсенал во една вака возбудлива ера од равојот на клубот. Го следам развојот на Арсенал во последните години, се воодушевував што успеа да се врати како еден од гигантите во европскиот фудбал, со страствени навивачи ширум Европа и светот. Ова е клуб со богата историја, јас со нетрпение чекам да почнам со работа и да бидам дел од успешната иднина на Арсенал“, изјави Берта по потписот за „топчиите“.