Здравко Чолиќ со децении е еден од најпопуларните пејачи на Балканот. За жал, таму каде што има популарност, понекогаш доаѓаат и проблеми.
Чола со години важеше за голем заводник, а имаше и голем број женски обожаватели. Пред многу години се случи инцидент на кој пејачот и ден денес се сеќава.
-Имам поминато и доживеано многу во мојот живот. Еднаш обожавателка ја нападна мојата сопруга со нож и го расече нејзиното лице. Сандра се тргна, но оваа малку ја фати, за среќа без поголеми последици. Тоа беше многу одамна, но сè уште го паметам до ден-денес. Мојата сопруга немаше други поголеми непријатности, бидејќи не се експонира јавно, не е таков тип и мислам дека сопругата и децата треба да бидат подалеку од очите на јавноста, изјави Чола во едно интервју.
Тој, исто така, смета дека е некаква среќа во несреќа што неговата законска сопруга не е љубоморна и драмата завршила многу брзо.
-Мојата сопруга реагираше како што треба. Таа ја разбира мојата работа, објаснил пејачот.
Инаку, Здравко и Александра Чолиќ се во брак од 2001 година, а заедно добија две ќерки – Уна и Лара.