Украинско-американскиот бизнисмен ја купи мнозинската сопственост во платформата за порно стриминг во 2018 година.
Сопственикот на „OnlyFans“, Леонид Радвински, почина од рак на 43 години, соопшти компанијата денеска.
Украинско-американскиот бизнисмен го стекна „Fenix International“, компанијата која ја поседува и управува со британската платформа во 2018 година. Тој остана директор и мнозински акционер на компанијата.
Радвински редовно добивал еден од најголемите дивиденди од приватна компанија во Велика Британија, каде „ OnlyFans“ остана базиран по неговото преземање.
-Длабоко сме тажни што ја соопштуваме смртта на Лео Радвински. Лео мирно почина по долгата борба со рак, се вели во соопштението на компанијата. „Неговото семејство побара приватност во овој тежок период.“
Компанијата лани исплати рекордни 701 милион долари во дивиденди. Радвински бил во преговори за потенцијална продажба на платформата за повеќе милијарди долари, која ја користат секс работници и познати личности за да ја достигнат својата публика.