Пејачката и актерка Дав Камерон и музичарот Дамијано Дејвид наводно се свршиле по двегодишна врска, објави TMZ. Двојката е фотографирана во Сиднеј во вторник, а на фотографиите Камерон е видена како носи впечатлив прстен на левата рака.
Иако двојката сè уште не ја потврдила свршувачката, странските медиуми пишуваат дека навистина станува збор за веренички прстен со голем дијамант, кој пејачката го покажала држејќи ја раката на својот избраник.
Двојката изгледала опуштено и среќно на фотографиите, а Дав не можела да скрие колку е заљубена по начинот на кој го гледала Дамијано.
to have THE dove cameron look at you like this pic.twitter.com/SarjOu7glB
— j (@dovelyneverland) October 29, 2025
Тие покажале колку се блиски со своите модни комбинации. И двајцата носеле црни панталони и чевли, Дамијано носел и црна тесна маица, додека Дав избрала широк црн капут под кој носела кремаста маица.
Претходно месецов, Камерон и Дејвид ја прославиле својата двегодишнина, на што таа му посветила емотивен пост на социјалните мрежи. „Две од најдобрите години во мојот живот. Плачам барем еднаш неделно затоа што животот стана толку убав со тебе. Те сакам на начин што зборовите не можат да го опишат, но никогаш нема да престанам да се обидувам. Среќна годишнина љубов моја“, напиша таа, а Дамијано одговори во коментарите: „Најубавиот дел од животот“.
Славниот пар ги разгоре гласините за врска во септември 2023 година, кога Дав беше забележана на концертот на Дамијано во Медисон Сквер Гарден во Њујорк. Неколку месеци подоцна, таа беше фотографирана и на концерт на Монескино во Бразил, а набргу потоа, парот беше фатен како се бакнува на плажа во Сиднеј. Тие ја потврдија својата врска во февруари 2024 година кога првпат се појавија заедно на црвениот тепих.