Платформата за резервирање патувања „Omio“, анализирала 17 различни фактори за да открие кои европски градови нудат најдобри услови за здрав и хармоничен живот и за жителите и за посетителите.
На врвот на листата се најде главниот град на Шпанија, Мадрид, со вкупна оцена од 78.62 од можни 100 поени.
Мадрид добил високи оцени во речиси сите категории
На здравјето во урбаните средини влијаат многу работи, од квалитетот на воздухот и разната врева, до достапноста на зелени површини, можност за рекреација и количина сончеви денови.
„Omio“ во обѕир го зел сето тоа, вклучувајќи го и бројот на спа-центрите, теретаните, разните настани и пристапноста за пешаците.
Мадрид добил високи оцени во речиси сите категории, а особено се истакнал благодарение на високиот квалитет на живот, со дури 360 спа-центри и просечно 2712 сончеви часа годишно. Не е ни чудно што неодамна бил прогласен и за еден од најсончевите градови во Европа.
@eleonoirebruno 1000/10 ✨ #madrid #spain ♬ Metro in Madrid remix by alina__volik – Alina Volik | Madrid | Miami
На листата и хрватски град
На второ место се нашол Лисабон, со резултат 75.36, што исто така не изненадува, особено затоа што градот најавил отворање на нови зони на тишина и бесплатен пристап на некои од своите најзелени градини.
Третото место припаднало на Виена, а меѓу првите 20 градови кои се издвојуваат како најпогодни за здравјето се нашле и Загреб, Љубљана и Будимпешта.
Топ 20 листа:
1. Мадрид
2. Лисабон
3. Виена
4. Прага
5. Амстердам
6. Хелсинки
7. Копенхаген
8. Талин
9. Рим
10. Загреб
11. Будимпешта
12. Љубљана
13. Берн
14. Берлин
15. Луксембург
16. Рига
17. Софија
18. Вилнус
19. Атина
20. Стокхолм