Стаорците не секогаш имаат најдобра репутација, но еден по име Ронин е поразличен од останатите бидејќи има „супер сетило за мирис“.
Ронин и неговата група стаорци кои душкаат мини имаат улога во спасувањето на невините цивили од скриените експлозиви, пишува Си-ен-ен.
Овој африкански џиновски стаорец неодамна поставил нов светски рекорд – како стаорец кој открил најмногу мини. Помеѓу август 2021 година и февруари 2025 година, Ронин открил 109 нагазни мини и 15 други неексплодирани убојни средства во регионот во близина на Сием Рип, Камбоџа.