Вкусен, лесен и визуелно привлечно предјадење или мезе! Овие ролнички од модар патлиџан се полнети со кремасто сирење/урда, ароматични зачини и печен сусам, а декорирани со свеж магдонос и шери домати. Совршени се за летните денови, лесни забави или како дел од свечена трпеза.
Состојки:
- 1 модар патлиџан
- 200 грама сирење/урда
- 100 грама сецкани ореви
- 3 лажици сусам
- сол, бибер, лук во прав (по вкус)
- една китка свеж магдонос
- маслиново масло
Подготовка:
Патлиџанот исечете го на тенки ленти по должина. Секоја лента премачкајте ја со маслиново масло и испечете ја на грил тава додека не омекне и добие убави линии од печење.
Сусамот испечете го на сува тава на тивок оган додека не добие златно-кафеава боја. Две лажици од печениот сусам и сецканиот магдонос измешајте ги со сирењето/урдата. Додадете сол, бибер и малку лук во прав по вкус.
На секоја печена лента од модриот патлиџан ставете по една лажица од подготвениот фил, па замотајте во ролничка.
Совет:
Овие ролнички можат да се сервираат и топли и ладни. Одлични се и како предјадење и како здраво мезе со чаша бело вино.