Потребно е:
250 гр моцарела сирење
200 мл маслиново масло
4 чешниња лук
1 багет
1 кг домати
1 главица црн (виолетов) кромид
босилек
сол
бибер
прстофат шеќер
Подготовка:
Исечете го багетот на парчиња со дебелина од 1 см. Направете смеса од 100 мл маслиново масло и едно чешне лук и со неа премачкајте ја секоја кришка, наредете ги во подмачкан плех и печете на 200 степени 10 минути. Лебот треба да биде крцкав и златен. Доматот и кромидот исечкајте ги на што помали коцки и измешајте. Додадете 3 сечкани чешниња лук, преостанатото масло, ситно сечканиот босилек, сол, бибер и прстофат шеќер. Добро измешајте и со тоа наполнете ги печените кришки багет.