Светската ракометна федерација ги потврди саатниците за натпреварите од групната фаза на ракометното СП што ќе се игра во Хрватска, Норвешка и Данска.
Машката ракометна репрезентација на Македонија своите средби против Унгарија, Холандија и Гвинеја ќе ги игра во „Вараждин Арена“ во истиот град.
Првиот натпревар е на програмата на 15 јануари со почеток во 20:30 часот, додека втората средба е на 17 јануари против Холандија од 18:00 часот.
Последниот дуел од групната фаза ќе се игра на 19 јануари против Гвинеја од 20:30 часот, по што ќе биде познато дали продолжуваме во главната рунда.
Ако Македонија обезбеди место во главната рунда на СП 2025 и тие натпревари ќе ги играме во Вараждин.