Денес од 18.30 часот македонската машка кошаркарска јуниорска репрезентација ќе го игра четвртфиналниот натпревар против Португалија на Европското првенство – Дивизија „Б“ што се одржува во Скопје.
Нашите кошаркарски надежи ја бараат поддршката од трибините во СРЦ „Кале“ и каде ќе се борат за место во топ 4 и пласман кој води кон „А“ Дивизијата.
Натпреварот со Португалија е закажан на нашиот најголем празник, на 2 август, на Илинден, а како и до сега влезот во СРЦ „Кале“ ќе биде слободен за сите љубители на кошарката.