На шкотските фудбалери не им се зборуваше многу по мечот со Германија.
„Не извршивме притисок на нивните фудбалери за врска и Тони Крос имаше време и слобода да ја диктира играта. Неговата пас игра е најдобра во светот и кога ќе му дадете и време и простор, тогаш нема што да барате. Сите германски фудбалери дадоа максимум, а ние не се прославивме баш.
Делува разочарувачки кога ќе го погледнете резултатот, но добро е што од утре имаме нова мисија и нова шанса за бодови“, рече капитенот на Шкотска, Енди Робертсон.
Во следното коло Германија ќе игра против Унгарија, а Шкотска шанса да го поправи впечатокот ќе има против Швајцарија.