Багер почнал да копа во куќата на Дејан Драгијевиќ, еден од осомничените за убиството на Данка Илиќ (2).
Претходно полицијата во дворот на семејната куќа го донела Дејан, а потоа таму била донесена цистерна која требало да ја испразни септичката јама.
Да потсетиме, Срѓан Јанковиќ и Дејан Драгијевиќ се колеги од ЈКП „Водовод“ и се осомничени дека на 26-ти март со службено возило го удриле девојчето, а потоа нејзиното тело го однеле до депонијата каде што првично го фрлиле.
Потрагата по телото трае од завчера, а испитуваат и бараат дали е пренесено од тоа место.
Осомничените за убиството на Данка Илиќ синоќа биле сослушани во обвинителството, а во таа прилика еден од осомничените го признал делото, додека другиот се бранел молчејќи.
Исто така, припадници на МВР денеска ги уапсија таткото и братот на еден од убијците на малата Данка, поради постоење основи на сомнение дека му помогнале телото на девојчето да го премести од депонијата во околината на Бањско поле во засега непозната локација на територијата на градот Бор.