Нискобуџетната авиокомпанија Wizz Air ги изненади патниците на почетокот на овој месец кога воведе иновативна опција за лет до непозната дестинација за сите оние кои сакаат авантура.
Оваа единствена понуда им овозможува на патниците да се впуштат во неистражени патувачки авантури, не знаејќи однапред каде ќе ги одведе патувањето.
Патниците кои ќе се одлучат за оваа опција добиваат билет на кој е наведено само местото на поаѓање, но не и дестинацијата на нивното патување.
Една од патниците го сподели своето возбудливо искуство од патувањето на мистериозна локација, истакнувајќи дека тие тргнале од аеродромот во Абу Даби и не знаеле каде всушност се упатиле до моментот кога слетале.
По излегувањето од авионот, патниците се нашле во градот Кутаиси, Грузија.
Доколку ве привлекува оваа идеја за неконвенционално патување, се што треба да направите е да ја следите официјалната веб-страница на Wizz Air и навреме да аплицирате. Следната авантура е закажана за 15 март, а летот ќе тргне од Венеција.
Важно е да се напомене дека овој лет е наменет за добитниците кои освоиле бесплатен билет, а им е загарантиран четиридневен престој на мистериозна локација.
Оваа нова иницијатива на авиокомпанијата Wizz Air воодушеви многу патници и им даде единствена можност да доживеат незаборавна авантура и да истражат непознати делови од светот.