По завршувањето на регуларен дел од Супер лигата, позната е новата структура за продолжението на кошаркарската сезона.
Дванаесетте екипи сега се делат во две посебни групи согласно остварениот пласман по одигрувањето на сите 22 натпреварувачки кола.
Најдобрите шест тима се селат во „ТОП 6“ сегментот, каде ги пренесуваат своите резултати и бодови од првата фаза на првенството.
Останатите екипи, кои завршија од седмата до дванаесеттата позиција, својата борба за опстанок ја продолжуваат во тешката „Плеј-аут“ лига.
Втората фаза започнува на 11 април и ќе се игра по специфичен „Оролоџо“ систем во вкупно пет натпреварувачки кола.
Сите тимови ќе одиграат по еден натпревар против секој противник во групата, што гарантира максимална неизвесност до 25 април.
Првите четири екипи од „ТОП 6“ сегментот ќе обезбедат директен пласман во полуфиналето на годинешниот плеј-оф за титулата. Дербито меѓу двете првопласирани екипи ТФТ и МЗТ Скопје Аеродром ќе се игра во второто коло на 15 април.
ТОП 6 (ПЛЕЈ-ОФ)
1.КОЛО (11.АПРИЛ)
ТФТ – ТИКВЕШ
МЗТ СКОПЈЕ A. – КОЖУВ
ПЕЛИСТЕР – МАЏАРИ
Сличен и подеднакво важен е натпреварувачкиот систем кој ќе се применува и кај екипите во долниот дел од табелата.
Првопласираните три тима од Плеј-аут групата го задржуваат својот статус во елитната Супер лига за натпреварувачката сезона 2026/2027.
Трите најслабо рангирани екипи по петте одиграни кола ќе се преселат во понизок ранг, односно во Првата македонска лига.
РАСПОРЕД – ПЛЕЈ-АУТ
1.КОЛО (11.АПРИЛ)
ЧАИР – АНГЕЛИ
МКК КУМАНОВО – ГОСТИВАР
РАБОТНИЧКИ – ФЕНИКС