Директорот на Управата за извршување на санкциите Александар Пандов и претставници на Секторот за пробација денес присуствуваа на состанок со претседателот на Основниот суд во Штип Ацо Тасев и судии кои работат на кривична материја.
Состанокот е дел од планираните активности на Управата за извршување на санкциите и ИПА проектот „Поддршка на ЕУ за владеење на правото“.
На состанокот присуствуваа хрватските експерти-началникот на Секторот за пробација Горан Бркиќ, раководителката на пробациската канцеларија Загреб 1 Матеа Сршен и претседателката на судот во Госпиќ Дубравка Рукавина.
Притоа, присутните имаа можност да ги разменат своите позитивни искуства од досегашната примена на пробацијата, а воедно беше потенцирано дека поголема примена на пробацијата ќе придонесе кон поуспешна ресоцијализација и реинтеграција на сторителите и кон намалување на преполнетоста на казнено-поправните установи.
Денес, директорот на Управата за извршување на санкциите Александар Пандов и претставници на Секторот за пробација…
Posted by Управа за извршување на санкции/Uprava za izvrsuvanje na sankcii on Thursday, March 19, 2026