Само пет натпревари ноќеска се одиграа во НБА лигата, а најинтересниот беше последниот во Њујорк.
Тимот на Никс ја надополни негативата од 18 поени во четвртата четвртина и ги победија Хјустон Рокетс со 108-106.
На стартот на последниот период гостите водеа со 75-93, но домашните кошаркари не се откажаа.
Во последните две минути Њујорк направи серија од 9-2 и комплетно го сврти натпреварот. Кевин Дурент имаше шанса за израмнување но неговиот обид од далечина не беше прецизен.
Карл-Ентони Таунс постигна 25 поени, Џејлен Брусон имаше 20, како и ОГ Ануноби кој додаде и шест скокови. За Хјустон, бадијала останаа 30-те поени на Дурент.
Виктор Вембањама имаше даблд-дабл учинок во победата на Сан Антонио Спарс над Сакраменто Кингс со 139-122.
Младиот Французин натпреварот го заври со 28 поени и 15 скока, за осма победа по ред на Спарси. Сакраменто го загуби 16-тиот натпревар по ред што е рекорден за франшизата.