Трагедијата која се случи во близина на граничниот премин Табановце не е единствена кобна несреќа во животот на српскиот пејач Ѓорге Давид.
Тој во сообраќајна несреќа го загубил својот татко, а во истиот автомобил бил и тој.
Имено пејачот за најтешкиот момент се одлучил да зборува неодамна, па за медиумите открил дека станува збор за наместена политичка сообраќајка.
„Беше во прашање политичка местенка, очигледна. Тој и јас бевме во автомобилот, мене влакно од главата не ми фалеше, а тој остана мртов на лице место. Немав ниту 15 години кога се случи тоа и тоа се моменти кои во главата на еден млад човек направија хаос. Кога ќе го изгубиш идолот во тие години се чувствуваш потполно изгубено’…, раскажа Давид.
Тој вели дека неговиот татко бил таен советник во кабинетот на Тито и бил комуниста, а додека сите гледале да зграбат пари и некоја викендичка во тоа време, тоа него не го интересирало.