Министерството за внатрешни работи денеска информира за три одвоени сообраќајки несреќи во кои повредени се три жени кои биле пешаци. Сообраќајките се случиле во скопје, Куманово и Битола.
На 26.01.2026 околу 17:20 часот во СВР Скопје е пријавено дека на крстосница од ул.„Васил Ѓоргов“ и ул.„Шарски Одреди“ во Скопје, патничко возило „фолксваген фокс“ со скопски регистарски ознаки, управувано од З.А.(60) од Скопје, удрило во пешакот Б.К.(59) од Скопје. Во несреќата со тешки телесни повреди се здобила 59-годишната Б.К., констатирани во Градската општа болница „Св.Наум Охридски“ Скопје.
На 26.01.2026 околу 19:25 часот во СВР Куманово е пријавено дека на ул.„Народна Револуција“ во Куманово, патничко возило „даеву тико“ со кумановски регистарски ознаки, управувано од М.Ј.(23) од Куманово, удрило во С.К.(67) од Куманово. Во несреќата со тешки телесни повреди се здобила 67-годишната С.К., констатирани во Општа болница Куманово.
На 26.01.2026 во 17:48 часот во СВР Битола е пријавено дека на ул.„Смилевски конгрес“ во Битола, мотоцикл удрил во пешакот С.Д.(76) од Битола и го напуштил местото на настанот. Во несреќата со тешки телесни повреди се здобила 76-годишната С.Д., констатирани во болницата во Битола.
Во сите три случаи полициски екипи извршиле увид на местото на несреќите.