Перфектен викенд за Словенецот Домен Превц. Тој триумфираше на скокалницата во Висла, за Светскиот куп во скијачки скокови, откако беше најдобар и во натпреварувањето во саботата.
Превц дојде во втората победа во полскиот зимски скијачки центар со скокови од 137,0 и 132,0 метри, што му донесе 282,3 поени.
Само 0,9 поени зад Превц со скокови од 130,5 и 129,5 метри второто место го освои Јапонецот Рјоју Кобајаши, додека Германецот Филип Рајмунд го освои третото место со 276,8 поени (131,5 и 129,0 м).
Превц со денешната победа го презеде и водството во генералниот пласман во Светскиот куп со 470 бодови, 32 повеќе од неговиот второпласиран сонародник Анже Ланишек и 64 повеќе од третопласираниот Кобајаши.