Имаме особена чест и задоволство да Ве поканиме на свечената промоција на нашите дипломци и магистри која ќе се одржи на 4 октомври 2025 година (сабота), со почеток во 19:00 часот, во Македонската опера и балет.
На овој значаен настан ќе бидат промовирани дипломците и магистрите на Универзитетот Скопје чиј труд, знаење и постигнувања се гордост на Универзитетот и потврда на нашата академска мисија.
Овој настан претставува круна на трудот, посветеноста и знаењето на нашите студенти, кои своето академско патување го заокружуваат со достојна свеченост.
Ве очекуваме заедно да го споделиме нивниот успех и да им посакаме блескава иднина.
