Селекторот на германската кошаркарска репрезентација, Алекс Мумбру, го објави конечниот список од дванаесет играчи за Европското првенство во Латвија, Финска, Полска и Кипар, но на истиот не можеше да го вклучи Дејвид Крамер.
Во неговиот список се најдоа следните играчи: Исак Бонга, Оскар Да Силва, Тристан Да Силва, Јустус Холац Леон Крацер, Маодо Ло, Андреас Обст, Денис Шридер, Даниел Тајс, Јоханес Тиман, Јоханес Фохтман и Франц Вагнер.
Германија ја освои континенталната бронза во 2022 година, а следната сезона ја зеде планетарната круна. „Панцерите“ ќе играат против Финска, Велика Британија, Литванија, Црна Гора и Шведска во групната фаза на Евробаскетот.